ചോ : കൈ ഒടിഞ്ഞ് ബാന്‍ഡേജ് ഇട്ടാല്‍ വുളൂഅ്‌ ചെയ്യേണ്ടത് എങ്ങനെയാണ്..?
ഉ :നിസ്കാരം വിശ്വാസിയുടെ കര്‍മ്മങ്ങളില്‍ ഏറെ പ്രധാനമാണ്. അത് കൊണ്ട് തന്നെ അതിന്റെ നിബന്ധനകളും രീതികളും വളരെ കര്‍ശനമായാണ് പണ്ഡിതര്‍ പറഞ്ഞുവെക്കുന്നത്. വുളൂഇന്റെ നിര്‍ബന്ധ അവയവങ്ങളില്‍ ബാന്‍ഡേജ് ഇട്ടാല്‍, അതില്‍നിന്ന് വെള്ളം കൊണ്ട് കഴുകാവുന്നിടത്തോളം കഴുകുകയും ബാന്‍ഡേജിന് മുകളിലൂടെ വെള്ളം കൊണ്ട് തടവുകയും ചെയ്ത് ബാക്കി ഭാഗത്തിന് വേണ്ടി തയമ്മും ചെയ്യേണ്ടതാണ്. ആ അവയവം കഴുകേണ്ട സമയത്താണ് അതിന് വേണ്ടി തയമ്മും ചെയ്യേണ്ടത്...
അഥവാ, കാലിലാണ് ബാന്‍ഡേജ് എങ്കില്‍ ചെവി തടവിയ ശേഷം കാല് കഴുകുന്ന സമയത്ത് അതിന് വേണ്ടി തയമ്മും ചെയ്യുക. തയമ്മും ചെയ്യേണ്ടത് മുഖത്തും കൈയ്യിലും തന്നെയാണ്, അവയാണ് തയമ്മുമിന്റെ അവയവങ്ങള്‍. ബാന്‍ഡേജ് ഇടുന്ന സമയത്ത് ശുദ്ധിയുണ്ടെങ്കില്‍ ഇങ്ങനെ തയമ്മും ചെയ്ത് നിര്‍വ്വഹിക്കുന്ന നിസ്കാരങ്ങള്‍ മടക്കേണ്ടതില്ല. ആ സമയത്ത് വുളൂഅ്‌ ഇല്ലെങ്കില്‍ പിന്നീട് അവ മടക്കേണ്ടതാണ്. ബാന്‍ഡേജ് ഇട്ടത് തയമ്മുമിന്റെ അവയവത്തിലാണെങ്കില്‍ (കൈയ്യിലോ മുഖത്തോ) നേരത്തെ പറഞ്ഞപോലെ അത് കഴുകുന്ന സമയത്ത് അതിനായി തയമ്മും ചെയ്യുകയും ബാന്‍ഡേജ് ഇടുന്ന സമയത്ത് ശുദ്ധി ഉണ്ടെങ്കില്‍ പോലും പിന്നീട് ആ നിസ്കാരങ്ങളെല്ലാം മടക്കി നിസ്കരിക്കേണ്ടതുമാണ് എന്നാണ് ശാഫിഈ മദ്ഹബിലെ പ്രബലാഭിപ്രായം.
☘☘☘☘☘☘
ചോ : ഞാന്‍ ചെറിയ ഒരു അപകടത്തില്‍ പെട്ട് ഇടത്തെ കൈ മുട്ടിനു താഴെ ബാന്‍റേജ് ഇട്ടിരിക്കുകയാണ്. ഇപ്പോള്‍ ഞാന്‍ ബാക്കി വരുന്ന ഭാഗം വുളൂഅ്‌ എടുത്താല്‍ മതിയാകുമോ? അങ്ങനെ നിര്‍വഹിക്കുന്ന നിസ്കാരം അസുഖം മാറിയതിനു ശേഷം വീണ്ടും നിസ്കരിക്കേണ്ടി വരുമോ..?
ഉ : നിസ്കാരം വിശ്വാസിയുടെ കര്‍മ്മങ്ങളില്‍ ഏറെ പ്രധാനമാണ്. അത് കൊണ്ട് തന്നെ അതിന്റെ നിബന്ധനകളും രീതികളും വളരെ കര്‍ശനമായാണ് പണ്ഡിതര്‍ പറഞ്ഞുവെക്കുന്നത്. വുളൂഇന്റെ നിര്‍ബന്ധ അവയവങ്ങളില്‍ ബാന്‍ഡേജ് ഇട്ടാല്‍, അതില്‍നിന്ന് വെള്ളം കൊണ്ട് കഴുകാവുന്നിടത്തോളം കഴുകുകയും ബാന്‍ഡേജിന് മുകളിലൂടെ വെള്ളം കൊണ്ട് തടവുകയും ചെയ്ത് ബാക്കി ഭാഗത്തിന് വേണ്ടി തയമ്മും ചെയ്യേണ്ടതാണ്. ആ അവയവം കഴുകേണ്ട സമയത്താണ് അതിന് വേണ്ടി തയമ്മും ചെയ്യേണ്ടത്...
അഥവാ, കാലിലാണ് ബാന്‍ഡേജ് എങ്കില്‍ ചെവി തടവിയ ശേഷം കാല് കഴുകുന്ന സമയത്ത് അതിന് വേണ്ടി തയമ്മും ചെയ്യുക. തയമ്മും ചെയ്യേണ്ടത് മുഖത്തും കൈയ്യിലും തന്നെയാണ്, അവയാണ് തയമ്മുമിന്റെ അവയവങ്ങള്‍. ബാന്‍ഡേജ് ഇടുന്ന സമയത്ത് ശുദ്ധിയുണ്ടെങ്കില്‍ ഇങ്ങനെ തയമ്മും ചെയ്ത് നിര്‍വ്വഹിക്കുന്ന നിസ്കാരങ്ങള്‍ മടക്കേണ്ടതില്ല, ആ സമയത്ത് വുളൂഅ്‌ ഇല്ലെങ്കില്‍ പിന്നീട് അവ മടക്കേണ്ടതാണ്. ബാന്‍ഡേജ് ഇട്ടത് തയമ്മുമിന്റെ അവയവത്തിലാണെങ്കില്‍ (കൈയ്യിലോ മുഖത്തോ) നേരത്തെ പറഞ്ഞപോലെ അത് കഴുകുന്ന സമയത്ത് അതിനായി തയമ്മും ചെയ്യേണ്ടതാണ്. ബാന്‍റേജിന് മുകളിലൂടെ വെള്ളം കൊണ്ട് തടവലും നിര്‍ബന്ധമാണ്.
കൈയ്യിലാണ് ബാന്‍റേജ് എങ്കില്‍ തയമ്മുമില്‍ ബാന്‍റേജ് ഇല്ലാത്ത ഭാഗത്തും മുഖത്തുമാണ് മണ്ണ് കൊണ്ട് തടവേണ്ടത്. ബാന്‍റേജിന് മുകളിലൂടെ മണ്ണ് കൊണ്ട് കൈ നടത്തല്‍ സുന്നത്താണ്. ബാന്‍ഡേജ് തയമ്മുമിന്റെ അവയവത്തിലാവുമ്പോള്‍ ബാന്‍ഡേജ് ഇടുന്ന സമയത്ത് ശുദ്ധി ഉണ്ടെങ്കില്‍ പോലും പിന്നീട് ആ നിസ്കാരങ്ങളെല്ലാം മടക്കി നിസ്കരിക്കേണ്ടതാണ് എന്നാണ് ശാഫിഈ മദ്ഹബിലെ പ്രബലാഭിപ്രായം. മടക്കേണ്ടതില്ലെന്ന അഭിപ്രായവുമുണ്ട്.
☘☘☘☘☘☘
ചോ : ശരീരത്തില്‍ മുറിവോ വെച്ച്കെട്ടലോ ഉള്ളപ്പോള്‍ വലിയ അശുദ്ധി ഉണ്ടായാല്‍ തയമ്മും ചെയ്തു നിസ്കരിക്കാമോ..?
ഉ :ശരീരത്തില്‍ വെള്ളം ചേര്‍ക്കാന്‍ സാധ്യമല്ലാത്ത വിധത്തില്‍ മുറിവോ, വെച്ചുകെട്ടലകളോ ഉണ്ടെങ്കില്‍, നിര്‍ബന്ധ കുളിയില്‍, അതിനു തയമ്മും ചെയ്യാവുന്നതാണ്. വെള്ളം ചേര്‍ക്കാന്‍ സാധ്യമായ എല്ലാ ഭാഗത്തും വെള്ളം ഒലിപ്പിച്ചതിനു ശേഷം മണ്ണു കൊണ്ട് നിയ്യത്തോടെ മുഖം തടവുകയും പിന്നീട് രണ്ട് കൈകള്‍ മുട്ടോടെ വീണ്ടും മണ്ണുപയോഗിച്ച് തടയുക. കുളിയില്‍ തര്‍തീബ് നിർബന്ധമല്ലാത്തതിനാല്‍ ഒന്നിലധികം അവയവങ്ങളില്‍ മുറിവുകളുണ്ടെങ്കിലും ഒരു തയമ്മും മതിയാകും.
☘☘☘☘☘☘
ചോ : ഫര്‍ള് കുളി കുളിച്ചാല്‍ വുളൂഅ്‌ ഉണ്ടാകുമോ? ഇടക്ക് വുളൂഅ്‌ മുറിയുന്ന കാര്യങ്ങളുണ്ടായാലും വിധി ഇതാണോ..? പനിയുണ്ടായാല്‍ തയമ്മും ചെയ്യാമോ..?
ഉ : ഫര്‍ള് കുളിയോട് കൂടെ ചെറിയ അശുദ്ധിയും ഉയരുമെന്നാണ് നിയമം. നിര്‍ബന്ധകുളിക്ക് ശേഷം പ്രത്യേക വുളൂഅ്‌ ഇല്ലാതെ തന്നെ വുളൂഅ്‌ ആവശ്യമുള്ള കാര്യങ്ങള്‍ ചെയ്യാവുന്നതാണ്. കുളിക്കിടെ വുളൂഇന്റെ അവയവങ്ങള്‍ കഴുകിക്കഴിഞ്ഞതിന് ശേഷം വുളൂഅ്‌ മുറിയുന്ന കാര്യങ്ങള്‍ സംഭവിച്ചാല്‍ പിന്നെ വുളൂഅ്‌ ചെയ്തതിന് ശേഷം മാത്രമേ നിസ്കരിക്കുകയും വുളൂഅ്‌ ആവശ്യമുള്ള മറ്റു കാര്യങ്ങളും ആകാവൂ...
വുളൂഇന്റെ അവയവങ്ങള്‍ കഴുകിക്കഴിയുന്നതിന് മുമ്പാണ് വുളൂഅ്‌ മുറിയുന്ന കാര്യങ്ങള്‍ സംഭവിച്ചതെങ്കില്‍ കുളിക്ക് ശേഷം വുളൂഅ്‌ ചെയ്യേണ്ടതില്ല. കാഴ്ച കേള്‍വി കൈകാലുകളുടെ ശക്തി പോലോത്ത ഏതെങ്കിലും അവയവങ്ങളുടെ ഉപകാരത്തില്‍ ന്യൂനത വരുന്ന രോഗങ്ങള്‍ കാരണമായി മാത്രമേ തയമ്മും അനുവദനീയമാവൂ...
വെള്ളമുപയോഗിക്കുന്നത് മൂലം ഇത്തരത്തിലുള്ള പനിയുണ്ടാവുമെന്ന് ഭയന്നാല്‍ തയമ്മും ചെയ്യാം
Comments
Post a Comment