വീട്ടിലേ ഒരു റൂമിലെ ടൈല്‍സ് മാത്രം പള്ളിയായി വഖഫ് ചെയ്യാമോ?



▶️മസ്വല്ല, ടൈല്‍സ് പോലെ നീക്കാന്‍ പറ്റുന്ന (منقول) വസ്തുക്കള്‍ പള്ളിയായി വഖഫ് ചെയ്യാന്‍ പറ്റില്ലെന്നാണ് പൊതുനിയമം. എന്നാല്‍ അത്തരം മന്‍ഖൂലായ വസ്തുക്കള്‍ നിലത്തുറപ്പിച്ചതിനു ശേഷം പള്ളിയായി വഖ്‍ഫ് ചെയ്താല്‍ വഖ്‍ഫ് ശരിയാവും. പിന്നീട് അവ നീക്കം ചെയ്താലും അത് പള്ളിയായി തന്നെ നിലനില്‍കും.

ആയതിനാല്‍ വീട്ടിലെ ഒരു റൂമില്‍ പതിച്ച ടൈല്‍സ് മാത്രം പള്ളിയായി വഖ്‍ഫ് ചെയ്യാം. അങ്ങനെ വഖ്‍ഫ് ചെയ്താല്‍ അതിനു പള്ളിയുടെ വിധി ബാധകമാവും. അതിന്‍റെ ബഹുമാനം പാലിക്കണം. വലിയ അശുദ്ധിയുള്ളവര്‍ അവിടെ താമസിക്കാന്‍ പാടില്ല. ഏതെങ്കിലും അവസരത്തില്‍ വീടിന്‍റെ ഉടമസ്ഥാവകാശം മറ്റൊരാള്‍ക്ക് കൈമാറുകയാണെങ്കില്‍ റൂമിലെ ടൈല്‍സ് പള്ളിയായി വഖ്‍ഫ് ചെയ്ത വിവരം അയാളെ അറിയിക്കണം. അല്ലെങ്കില്‍ ആ ടൈല്‍സ് മാത്രം അടര്‍ത്തി മാറ്റി നാം പുതുതായി താമസിക്കുന്ന വീട്ടില്‍ പതിക്കാന്‍ ശ്രമിക്കണം. ഒരു റൂമിലെ മുഴുവന്‍ ടൈല്‍സും പള്ളിയായി വഖ്‍ഫ് ചെയ്യാതെ നിസ്കരിക്കാന്‍ അത്യവശ്യമായ സ്ഥലത്തുള്ള ടൈല്‍സ് മാത്രം വഖ്‍ഫ് ചെയ്യുകയുമാവാം

Comments

Post a Comment

Popular posts from this blog

മുടി കറുപ്പിക്കുന്നതിന്റെ വിധി എന്താണ്, ഗള്‍ഫ്‌ നാടുകളില്‍ ഭരണാധികാരികള്‍ മുടി കറുപ്പിക്കുന്നത് ധാരാളം കാണുന്നു, മറ്റു മദ്ഹബുകളില്‍ ഇതിനു വല്ല ഇളവും ഉണ്ടോ?

▶മുടിക്ക് കറുപ്പ് ചായം കൊടുക്കല്‍ ഹറാം ആണെന്നാണ് ശാഫീ മദ്ഹബിലെ അഭിപ്രായം.  നരയെ ബഹുമാനിച്ച് കൊണ്ട് ചുവപ്പ് പോലോത്ത ചായം നല്‍കാമെന്നതിനാലാണ് മൈലാഞ്ചി അനുവദനീയവും സുന്നതുമാവുന്നത്. ജാബിര്‍ (റ) നിവേദനം ചെയ്യുന്ന ഹദീസില്‍ ഇങ്ങനെ കാണാം, ഫത്ഹ് മക്ക ദിവസത്തില്‍ അബൂബക്റ് (റ)വിന്റെ പിതാവായ അബൂഖുഹാഫയെ പ്രവാചകരുടെ സന്നിധിയിലേക്ക് കൊണ്ടുവരപ്പെട്ടു. അദ്ദേഹത്തിന്റെ താടിയും തലയും നരച്ച് പാടെ വെളുത്തിരുന്നു. അത് കണ്ട് പ്രവാചകര്‍ (സ) പറഞ്ഞു, ഇതിനെ (നരയെ) മറ്റുവല്ല ചായവും കൊടുത്ത് മാറ്റം വരുത്തുക, കറുപ്പിനെ ഒഴിവാക്കുക. (ഇമാം മുസ്ലിം). ഈ ഹദീസില്‍ കറുപ്പ് വെടിയാനുള്ള നിര്‍ദ്ദേശം കല്‍പനയാണെന്നതിനാല്‍ അത് നിര്‍ബന്ധമാണെന്നും കറുപ്പ്  ഉപയോഗിക്കല്‍ ഹറാം ആണെന്നുമാണ് ശാഫിഈ ഇമാമും മദ്ഹബിലെ മറ്റു പണ്ഡിതരും പറയുന്നത്. എന്നാല്‍ മാലികി മദ്ഹബ് പ്രകാരം നരക്ക് കറുപ്പ് ചായം നല്‍കുന്നതാണ് കറാഹതാണ്. അതേ അഭിപ്രായം പ്രകടിപ്പിക്കുന്ന മറ്റു പണ്ഡിതരുമുണ്ട്.
Read more

ശാഫിഈ മദ്ഹബ് പ്രകാരം ഉറങ്ങാതെ തഹജ്ജുദ് നിസ്കരിക്കുന്നതിന്റെ വിധി എന്താണ്?

▶രാത്രിയില്‍ ഇശാഇന്റെ സമയം ആയതിന് ശേഷം ഒന്ന് ഉറങ്ങി എഴുന്നേറ്റിട്ട് (ഉറങ്ങുന്നതിന് മുമ്പോ ശേഷമോ ഇശാഅ് നിസ്കരിക്കുക കൂടി ചെയ്തിട്ട്) നിസ്കരിക്കുന്ന സുന്നത്ത് നിസ്കാരത്തിനാണ് തഹജ്ജുദ് എന്ന് പറയുന്നത് (തുഹ്ഫ, മുഗ്നി, നിഹായ). അഥവാ ഉറങ്ങാതെ നിസ്കരിച്ചാല്‍ അതിന് തഹജ്ജുദ് എന്ന് പറയില്ല. പക്ഷേ അത് രാത്രി നിന്ന് നിസ്കരിക്കല്‍ എന്ന കാറ്റഗറിയില്‍പ്പെടുകയും അതിന്റെ പ്രതിഫലം ലഭിക്കുകയും ചെയ്യും. എന്നാല്‍ രാത്രി തീരേ ഉറങ്ങാതെ നിസ്കരിക്കല്‍ കറാഹത്താണ് (ബുശ്റല്‍ കരീം), നബി (സ്വ) അരുള്‍ ചെയ്തു: “എല്ലാ പകലും നോമ്പ് നോല്‍ക്കരുത്, രാത്രി മുഴുവനും ഉറങ്ങാതെ ആരാധിക്കുകയും അരുത്, പ്രത്യുത ഒരു ദിവസം നോമ്പ് നോല്‍ക്കുകയും പിറ്റേ ദിവസം നോമ്പ് നോല്‍ക്കാതിരിക്കുകയും ചെയ്യുക, അതു പോലെ രാത്രി ഉറങ്ങുകയും ഇബാദത്തെടുക്കുകയും ചെയ്യുക. കാരണം നിനക്ക് നിന്റെ ശരീരത്തോടും കണ്ണുകളോടും ഇണയോടും ബാധ്യതകളുണ്ട്...” (സ്വഹീഹുല്‍ ബുഖാരി) കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും അല്ലാഹു തൌഫീഖ് നൽകട്ടേ.
Read more

കൊറോണയെ പ്രതിരോധിക്കാന്‍ എല്ലായിടത്തും സാനിറ്റൈസര്‍ വ്യാപകമായി ഉപയോഗിക്കപ്പെടുന്നു. നിലവിലെ സാഹചര്യത്തില്‍ വന്‍തോതില്‍ ആള്‍കഹോള്‍ ചേര്‍ത്താണ് ഇവയില്‍ ചിലതൊക്കെ നിര്‍മ്മിക്കുന്നത് എന്ന് അറിയുന്നു. ഇത് നജസ് ആണോ? അവ ഉപയോഗിച്ചാല്‍ നിസ്കാരം ശരിയാകുമോ?

ഏത് വ്യാധികള്‍ക്കിടയിലും ഇത്തരം വിഷയങ്ങളിലുള്ള സൂക്ഷ്മതയും ആരാധനകളുടെ സ്വീകാര്യതയില്‍ പുലര്‍ത്തുന്ന കണിശതയും പ്രത്യേകം പ്രശംസിക്കട്ടെ. അല്ലാഹു നമ്മുടെ ഇബാദതുകളെല്ലാം കുറവുകള്‍ പരിഹരിച്ച് സ്വീകരിക്കുമാറാവട്ടെ. ഇന്ന് ലഭ്യമായ സാനിറ്റൈസറുകളിലെല്ലാം ചെറുതോ വലുതോ ആയ അളവുകളില്‍ ആള്‍കഹോള്‍ അടങ്ങിയിരിക്കുന്നു എന്നത് യാഥാര്‍ത്ഥ്യമാണ്. ലഹരിയുണ്ടാക്കുന്നതെല്ലാം നജസ് ആണ് എന്ന അടിസ്ഥാന തത്വത്തില്‍നിന്നാണ് ആള്‍കഹോള്‍ നജസ് ആണ് എന്ന നിയമം പിടിക്കപ്പെടുന്നത്.  അതേസമയം, ആള്‍കഹോള്‍ പല തരത്തിലുണ്ടെന്നത് ഇവിടെ നാം മനസ്സിലാക്കേണ്ടിയിരിക്കുന്നു. ഈഥൈല്‍, മീഥൈല്‍, ഐസോപ്രോപില്‍, ബ്രൂട്ടല്‍ തുടങ്ങി ഇത് പല വിധത്തില്‍ വര്‍ഗ്ഗീകരിക്കപ്പെടുന്നുണ്ട്. ഇവയില്‍ ലഹരിയുണ്ടാക്കുന്നവയും അല്ലാത്തവയുമുണ്ട് എന്നാണ് അവയുടെ നിര്‍മ്മാണരീതിയും ചേരുവകളും നോക്കുമ്പോള്‍ മനസ്സിലാവുന്നത്. ജൈവവസ്തുക്കളില്‍നിന്നുണ്ടാക്കുന്നവ ലഹരിക്ക് കാരണമാവുന്നവയാണെന്നും വ്യാവസായികാവശ്യങ്ങള്‍ക്കായി പെട്രോളിയം ഉല്‍പന്നങ്ങളില്‍നിന്നും മറ്റും രാസപ്രവര്‍ത്തനങ്ങളിലൂടെ നിര്‍മ്മിക്കപ്പെടുന്നവയില്‍ ലഹരി ഉണ്ടാക്കത്തവയുമുണ്ടെന്നും മനസ്സിലാവുന്നു.   സ...
Read more